Çfarë aparate për matjen e tensionit ka në treg?

A përdorni aparat për matjen e presioni të gjakut në shtëpi? Nëse vuani nga problemet me presionin e gjakut ose për herë të parë përballeni me probleme të tilla, një aparat i tillë është i domosdoshëm për ju.

Kur jeni në kabinetin e mjekut, specialisti kontrollon vlerat e presionit tuaj të gjakut. Por meqenëse ai nuk është një madhësi e përhershme, këto vlera vlejnë vetëm në momentin e matjes. Për të marrë një përfytyrim të mirë për gjendjen tuaj shëndetësore, mjeku ka nevojë për të dhëna të hollësishme. Ja për se është mirë të pajiseni me një aparat të tillë, i cili ju lejon të matni nivelet e presionit të gjakut shpesh dhe kur është e nevojshme. Në treg ka shumë lloje të aparateve për matjen e presionit të gjakut dhe është me rëndësi të njiheni me modelet e ndryshme përpara që të bëni zgjedhjen tuaj. Mund t’i blini nga farmacia, online ose nga dyqanet e pajisjeve teknike.

Si ndikon ushqimi në presionin e lartë të gjakut?

Aparatet e krahut - Këto janë aparatet tradicionale që mund të ndahen në tre grupe kryesore:

Aparatet mekanike Pa dyshim ju keni parë së paku një herë në jetën tuaj një aparat të tillë, të përdorur nga ndonjë i afërm i moshuar ose në kabinetin e mjekut. Ai përbëhet nga një manometër, pompë, manshetë dhe stetoskop. Ndërsa me njërën dorë shtypni pompën, me tjetrën ndiqni shigjetën e manometrit, ndërsa me stetoskopin dëgjoni tingujt që bën zemra. Këto aparate janë më të lira, por edhe më lehtë mund të dëmtohen dhe mund t’ju mashtrojnë me rezultatin. Sidomos me avancimin e moshës, kur shikimi dhe dëgjimi dobësohen. Aparatet gjysmë automatike Këto aparate nuk kanë një përhapje të gjerë në treg, por me gjithë atë janë të preferuar nga disa njerëz. Përparësia e tyre është se janë më të përballueshme nga modelet plotësisht automatike. Tek ato ju nuk do të gjeni stetoskop dhe manometër, por pompimi i manshetës përsëri do të bëhet prej jush. Rezultati del në ekranin e pajisjes. Aparatet gjysmë automatike janë të lehta për përdorim dhe shpesh herë zgjidhen për përdorim në shtëpi.

Sendo Advance 3

Aparatet automatike Aparatet më moderne për matjen e presionit të gjakut janë plotësisht dixhitale. Ato janë pajisje që me një ose disa butona tekstualisht bëjnë gjithçka që do të bënit ju. E vetmja gjë që duhet ta bëni është të vendosni manshetën në krah dhe ta shtypni butonin. Pas më pak se një minute mbi ekran do të shihni vlerat e tensionit tuaj të gjakut. Këto aparate matin pulsin, aritminë, ruajnë dhjetëra matje në memorien e tyre dhe më kryesorja – eliminojnë faktorin “gabim njerëzor”, tek i cili mund të regjistroni një rezultat të gabuar, për shkak të shikimit dhe dëgjimit të dobësuar. Aparatet e dorës Këto aparate u përkasin modeleve dixhitale, por vendosen jo në krah, por në kyçin e dorës. Përparësia e tyre kryesore është se janë kompakte dhe ju mund t’i mbani gjithmonë me ju kudo. Por specialistët rekomandojnë të mos i përdorni pas moshës 45 vjeç, sepse me kalimin e viteve enët e gjakut të kyçit të dorës bëhen më të brishta dhe mund të dëmtohen, ndërsa vlerat e regjistruara - të pasakta.

Sendo Smart 2

Këshillat për zgjedhjen e aparatit për matjen e presionit të gjakut:

  • Aparati për tensionin e gjakut që do ta zgjidhni, duhet të jetë modeli i përshtatshëm dhe i rehatshëm për ju dhe jo atë prej të cilit është i kënaqur miku/fqinji/i afërmi juaj.
  • Sigurohuni që mansheta është me madhësinë e duhur, sepse mansheta tepër e vogël / e madhe mund të ndikojë në matjen. Këshillohuni me mjekun tuaj ose farmacistin se cila madhësi është e përshtatshme për ju.
  • Nuk ka asgjë të keqe të jeni praktikë. Në treg do të gjeni aparate me çmime të ndryshme, prandaj përpara që të bëni zgjedhjen tuaj, e studioni mirë.
  • Mendoni se çfarë funksionalitete dëshironi të ketë pajisja: ekran më të madh, kuti mbrojtëse, manshetë shtesë, a punon me bateri ose me korrent ...
  • Dhe në fund, por jo në vendin e fundit – aparati duhet të jetë i lehtë për përdorim. Pavarësisht se sa të ngjashme janë aparatet, do të zbuloni se me secilin prej tyre punohet ndryshe. Provoni disa përpara që të bëni zgjedhjen tuaj.

Si diagnostikohet presioni i lartë i gjaktu?

Presioni i lartë i gjakut dhe diabeti

Presioni i lartë i gjakut dhe infarkti