10 faktorët që ndikojnë në matjen e presionit të gjakut

Në qoftë se jeni ose keni prirje me/për presion të lartë të gjakut atëherë ndoshta e dini që është e rëndësishme të matni atë rregullisht.

Kjo shpesh ndodh në shtëpi me një aparat presioni të gjakut dhe më pak ndodh që të matet te mjeku. Por a e keni ditur që ka disa faktorë që shkaktojnë rritje ose zbritje të përkohshme të presionit të gjakut e cila mund të ju dërgojnë në një rezultat të rrejshëm? Pozicioni i dorës suaj, gjendja juaj emocionale, temperatura në dhomë- këto janë vetëm disa faktorë që mund të “ndërrojnë” rezultatet e matjes. Matja mund të shfaq hipertension dhe ju mund të merrni një ilaç për të cilin nuk keni nevojë. Ose në të kundërtën- të keni një presion të lartë të gjakut por nuk shfaqet në matjet e presionit të gjakut.

Për të siguruar një matje të saktë është mirë të dihen 10 faktorët të cilën ndikojnë në rezultatet e matjes së presionit të gjakut:

1. Vendosja e saktë e manshetës për matjen e presionit të gjakut

Shumica e gabimeve të rezultatit të presionit të gjakut janë përshkak të vendosjes së gabuar të manshetës të pajisjes. Prandaj është e rëndësishme që të keni kujdes dhe të siguroheni që e keni vendosur atë saktësisht-  nuk duhet të ndjeni se është shumë e shtrënguar ose shumë e lirë në krahin tuaj. Mansheta e shtrënguar mund të shtojë 2 deri 10 mmHg tek matja.

Përgjatë matjes, është e rëndësishme të vendosni manshetën në një krah të zhveshur jo sipër rrobave. Përveshni mënget lartë dhe nëse është shumë e ngusht për ta vendosur atëhërë hiqni rrobat tuaja. Duke vendosur manshetln sipër rrobave mund të rrit presionin tuaj të gjakut për 10 deri në 50 mmHg.

2. Aktiviteti fizik para matjes

 

Aktiviteti fizik si ecja, vrapimi, ushtrimet fizike dhe ndonjëherë edhe akvitetet bazike për mirëmbatjen e shtëpisë mund të kenë ndikim serioz në presionin e gjakut. Para se të filloni me matjen, ju duhet të qetësoni rrahjet e zemrës suaj sa më shumë që është e mundur. Për këtë shkak është mirë që të pushoni disa minuta- duke u ulur ose shtrirë derisa të jeni komplet të qetësuar.

3. Pozicioni i papërshtatshëm i trupit dhe krahut

Kur e matni presionin e gjakut, ju duhet të qëndroni në një pozicion strikt të definuar. Në pozicionin ulur. Krahu duhet të shtrihet dhe të vendoset reth 6 cm poshtë shpatullës për t’ju afruar nivelit të zemrës. Këmbët nuk duhet të kryqëzohen dhe krahu juaj duhet të shtrihet në tavolinë ose në pjesën e pasme të karrikes. Nëse  lejon të varet poshtë krahu atëherë do të keni rezultat më të ulët se ato aktualet ( deri në 12 mmHg). Nëse ti e mat presionin e gjakut duke qenë i shtrirë atëherë siguroheni të mbani krahun në nivelin e trupit.

4. Stresi

Megjithëse ankthi dhe stresi nuk janë faktorë në hipertension kronik, ato mund të ndikojnë në presionin e gjakut përgjatë matjes. Kur ti je nën stres, trupi juaj lëshon kortizol- hormoni stresit. Nëse ti perjeton stres para ose gjatë matjes, rritja e nivelit të kortizolit mund të ndikojë në rritjen e rrahjeve të zemrës dhe presonit të gjakut. Ndonjëherë është vetëm ankth se jeni te mjeku shpesh quhet si “hipertensioni i mantelit të bardhë”. Mundoheni të reduktoni nivelin e stresit duke marrë frymë thellë para dhe gjatë matjes.

5. Të ushqyerit

Tretja  dihet që ndikon në uljen e presionit të gjakut  prandaj rekomandohet që të matet presioni i gjakut para se të keni ngrënë ose prisni 30 minuta pasi të keni ngrënë. Kequshqyerja ose uria gjithashtu dhe ushqimet pikante mund të ndikojnë në matje të pasaktë. Mos harroni të hani ushqim të shëndetshëm për t’ju ndihmuar në uljen e presionit të gjakut në afat të gjatë.

6. E folura

Ndonjëherë edhe një përpkjekje e vogël mund të ndikojë në rezultatet e presionit të gjakut. Studimet kanë shfaqur se e folura mund të rrit performancën tuaj nga 10 deri nq 15 mmHg. Mos flisni përgjatë matjes -jeni të qetë dhe merrni frymë thellë për të korrigjuar rezultatet.

7. Pirja e duhanit

Produktet e duhanit (cigaret, duhani, etj) që përmbajnë nikotin e cila mund të rrit rrahjet e zemrës dhe presionin e gjakut. Pirja e cigares përshembull mund të ndikojë në rritjen e menjëhershme të presionin të gjakut prej 5 deri 10 mmHg. Kjo rritje është e përkohshme por është më mirë mos përdoni duhan më së paku 30 minuta para matjes së presionit të gjakut.

8. Alkooli/kafeina

Konsumimi i alkoolit dhe kafeinës (kafe, çaj i zi/jeshil, pijet energjike) mund të rrisin nivelet e presionit të gjakut dhe studimet kanë shfaqur që ky efekt mund të zgjasë prej 30 minuta deri në disa orë. Sepse njerëz të ndryshëm mund të përjetojnë efekte të ndryshme dhe më së miri është që ju të matni presionin e gjakut para se të pini ndonjë pije alkoolike ose pije me përmbajtje të kafeinës.

9. Temperatura e ambientit

Kur enët e gjakut ngushtohen për shkak temperaturave të ulta, rezultatet e presioni të gjakut mund të rriten sepse gjakut i duhet më shumë presion që të rrjedhë nëpër enët më të ngushtë të gjakut. Mbani mend që nëse keni të ftohtë përgjatë matjes atëherë presioni i gjakut mund të jetë më i lartë se zakonisht.

10. Fshikëza e plotë

Kur fshikëza juaj është e plotë, presioni në veshkët tuaj vendos presion në enët e gjakut. Mos haroni të përdorni tualetin para se të matni presionin e gjakut sepse fshikëza e plotë mund të ju shtojë 10 deri 15 mmHg tek rezultati juaj.

Siç mund të shihni, presioni i gjakut nuk është konstant- ndryshon përshkak shumë faktorëve. Kushtojini vëmendje këtyre faktorëve për t’u siguruar që të keni rezultate të sakta kur bëni matjet dhe për të kryer një trajtim të duhur.